Sative ki kamyabi ki dastan

سٹیو جابز دنیا کا سب سے مشہور انسان ہے۔ اس نے کمپیوٹر کی دنیا میں تہلکہ مچا دیا۔ ہارڈوےئر اور سافٹ وےئر دونوں میں جتنی بھی ترقی ممکن ہوئی اس میں سٹیو کا بہت ہاتھ تھا۔ وہ جب بھی بات کرتا ہے تو اس کے منہ سے نکلے ہوئے الفاظ حکمت اور ذہانت سے لبریز ہوتے ہیں۔ سٹیو کہتا ہے کہ: جدت ایک لیڈر کو اس کے پیروکاروں سے جدا کرتی ہے۔ کوالٹی کی مثال بنو۔ کچھ لوگوں کا ماحول ایسا ہوتا ہے کہ انہیں بہترین کام کرنے کی ضرورت پیش نہیں آتی مگر تم خود اپنے آپ سے مقابلہ کرو ۔صرف وہ کام کرو جس سے تمہیں پیار ہو۔ انسان جس کام کو بہت شوق سے کرتا ہے صرف اسی میں کامیابی کی بلندیوں کو چھو سکتا ہے۔ اگر تمہیں تمہاری نوکری یا کام ابھی ایسا نہیں لگتا کہ تم اسے کرنے میں خوشی محسوس کرتے ہو تو تلاش جاری رکھو کہ کونسا کام کرنا تمہیں بہت بہت زیادہ پسند ہے۔

جب تم اپنی پسند کا کام کرو گے تو تمہیں خود ہی معلوم ہو جائے گا کہ تمہیں کس کام کے لیے تخلیق کیا گیا تھا۔کبھی تم سب نے غور کیا ہے کہ تم جو کچھ استعمال کر رہے ہو وہ کسی اور انسان کا بنایا ہوا ہے۔ تمہارے کپڑے تم خود نہیں بناتے۔ تمہارا کھانا تمہیں پھلوں اور سبزیوں کی صورت بنا بنایا ملتا ہے، وہ کسی اور نے اگایا ہے۔ تمہاری زبانجو تم بولتے ہو، کسی اور انسان نے ایجاد کی ہے تم اسے صرف استعمال کرتے ہو۔ ریاضی جو تم پڑھتے ہو، وہ کسی اور کی ایجاد تھی۔ کوشش کرو کہ تم نے انسانیت سے جو کچھ لیا ہے اور اسے استعمال کر رہے ہو، اس کا شکر ادا کرو اور کچھ ایسا خود بھی ایجاد یا دریافت کرو کہ تمہارے دنیا سے جانے کے بعد وہ لوگوں کے کام آئے۔ ’بدھ مت ‘میں ایک لفظ استعمال ہوتا ہے ’بیگنرمائینڈ‘۔ ایسا انسان جو کوئی بھی کام نیا نیا شروع کرے اور اسے سیکھ رہا ہو، اس کا دماغ اس کام کے لیے بیگنر مائینڈ ہوتا ہے۔

ایسا دماغ بہت ذرخیزہوتا ہے کیونکہ وہ سوالات سے بھرا ہوا ہوتا ہے۔ میرا ذاتی خیال یہ ہے ٹی وی اور کمپیوٹر کا بنیادی فرق یہ ہے کہ انسان ٹی وی اس لیے دیکھتا ہے کہ اپنے دماغ کو آرام دے اور تھوڑی دیر اپنے دماغ کو بند کر دے اور جب انسان کمپیوٹر لگاتا ہے تو اس کا مقصد یہ ہوتا ہے کہ وہ اپنے دماغ کا مکمل استعمال کرے۔مجھے لگتا ہے کہ میں وہ واحد آدمی ہوں جس نے ایک چوتھائی بلین ڈالر گنوا دیے اورجب میرے ساتھ ایسا ہوا تو اس سے میرا کردار بہت مضبوط بنا تھا۔میرا خیال ہے کہ انسان کو زمین پر اس لیے اتارا گیا تھا تاکہ وہ اس دنیا پر اپنے نشان چھوڑ کر واپس جائے۔ تمہارا اس دھرتی پر وقت بہت قلیل ہے، کوشش کرو کہ اس میں لوگوں کی پیروی مت کرو۔ وہ کیا سوچتے ہیں اس کو اہمیت مت دو۔اپنے باطن کی آواز کو باقی لوگوں کی رائے کی بنا پر مت دباؤ۔ اپنے اندر اپنے دل کی راہ چننے کی ہمت پیدا کرو۔تمہارا دل سب سے بہتر جانتا ہے کہ تم اصل میں کیا بننا چاہتے ہو۔ اپنے دل کیسنو۔باقی سب کچھ غیرضروری ہے۔